O pasado 30 de xuño o Grupo de Comunicación de EAPN Galicia, en colaboración con Ecos do Sur, organizou este evento en liña para dar a coñecer e crear rede entre as múltiples e diversas iniciativas postas en marcha en Galicia para difundir o discurso alternativo e maioritario de defensa dos dereitos e a dignidade das persoas.
A través desta xornada identificáronse persoas e organizacións, con proxectos e iniciativas que se están a desenvolver en Galicia para seren difundidas tanto en redes sociais coa etiqueta #ContrAporofobia como nunha Guía de Estilo para comunicadoras sobre Aporofobia e Discurso do Odio.
Sen sabelo, este decálogo foi o primeiro esforzo para xerar un discurso de narrativas alternativas e en positivo, lonxe do asistencialismo e a culpabilización e estigmatización das persoas en pobreza ou exclusión social.
Dous anos despois, as propias persoas afectadas, participantes no Seminario “Participando contra prexuízos e #MentirasPobreza” denunciaron nun Muro das Mentiras a pandemia de odio que xa estaban a sufrir.
Fronte e en paralelo a un aparentemente abrumador e artificial crecemento do discurso do odio en redes sociais e parlamentos, nos últimos anos veñen xurdindo multitude de iniciativas postas en marcha por persoas e organizacións para xerar narrativas alternativas e poñer en valor a tolerancia e a xustiza social.
A recentemente aprobada Lei de protección integral á infancia e a adolescencia fronte á violencia, inclúe unha disposición adicional pola que a aporofobia será perseguida como delito de odio. Unha demanda atendida e que permite que o termo de aporofobia non só se atope nas academias da lingua senón tamén no Código penal.
Deste xeito, en EAPN Galicia somos conscientes da multitude de iniciativas e proxectos postos en marcha no noso territorio para difundir novas narrativas, e quixemos contribuír a darlles visibilidade e poñelas en común.
A xornada contou con máis de 60 asistentes que puideron coñecer o funcionamento dalgunhas iniciativas galegas que loitan contra o odio e a discriminación dende o ámbito xudicial, educativo, comunitario, narrativo e do ciberactivismo, concluíndo que son necesarias políticas máis igualitarias e inclusivas e continuar traballando nun cambio a nivel narrativo que redunde nun cambio social.
Seguimos buscando iniciativas!
Se ti ou a túa organización contades con algunha iniciativa destas características queremos coñecela! Podes cubrir a seguinte ficha e facérnola chegar a info@eapn-galicia.com. Estaremos encantadas de saber de vos e de poñernos en contacto! Por suposto, podes compartir e difundir esta nova para que chegue a cantas máis persoas mellor.
"Que nada nos separe":mensaxe de sensibilización social: “Se temos tantas cousas en común, por que deixamos que un só cromosoma nos separe?”. (Down Galicia)
#FóraPrexuízos: campaña de concienciación para tratar de desbotar os prexuízos existentes contra as persoas coa síndrome de Down e outras discapacidades intelectuais. (Down Galicia)
Guía de estilo sobre persoas coa síndrome de Down: Manual orientado a sensibilizar, e concienciar sobre a terminoloxía máis adecuada para referirse ás persoas coa síndrome de Down e outras discapacidades intelectuais (Down Galicia)
Síndrome de Down - guía rápida: Vídeo animado no que se explica que é a síndrome de Down de maneira sinxela e visual. (Down Galicia)
Libro os Bolechas: "Xela celebra o seu aniversario":A historia céntrase na celebración dun aniversario, xa que soe ser un dos momentos máis excluíntes para as persoas coa síndrome de Down ou outras discapacidades intelectuais. (Down Galicia)
Fear of missing out: Dignificar a saúde mental a través da arte e visibilizar os problemas de saúde mental e mostrar as capacidades das persoas que os teñen. (FEAFES)
Botemos o estigma ao lixo: Sensibilizar á cidadanía sobre os obstáculos que provoca o estigma nas persoas con problemas de saúde mental. (FEAFES)
Nós vémolo claro, ti que ves?: Dar continuidade á campaña “Botemos o estigma ao lixo” e amosar solucións positivas. (FEAFES)
Elas tamén contan: Dar voz e visibilizar ás mulleres con problemas de saúde mental. (FEAFES)
Eu non teño prexuízos: campaña para loitar contra o estigma asociado aos problemas de saúde mental. (FEAFES)
Achégate á rede: iniciativa destinada a capacitar e dotar de autonomía dixital, tanto en ordenadores como en teléfonos móbiles, a mulleres en situación de vulnerabilidade. (Fundación Érguete)
Xeitos de ver: está destinado a persoas que están cumprindo unha condea en réxime de semiliberdade. (Fundación Érguete)
Non nos xulgues: campaña contra o estigma que padece a mocidade tutelada. (Igaxes)
Red Conecta Migración (Iniciativa #sinprejuiciosRCM): propósito de sensibilizar á cidadanía, combater os prexuízos e reivindicar a diversidade como valor indispensable para a cidadanía global. (Fundación Esplai)
OSOLIÑO VIOLETA: Exposición de fotos e curtametraxes contra as violencias machistas.
Comparte! Mais de 75.000 persoas recibiron estas máscaras cedidas polo Ministerio de Sanidade a través da Delegación do Goberno en Galicia grazas á intermediación directa de 35 entidades do terceiro sector social membro das redes EAPN. EAPN Galicia-Rede Europea contra a Pobreza, en coordinación con EAPN España está a repartir entre as entidades de acción…
Comparte! ¨Empresa solidaria: empresa extraordinaria”. Con este lema, as organizacións do Terceiro Sector galego animan a marcar o cadro de “Empresa Solidaria” no Imposto de Sociedades. Por primeira vez, e como xa ocorre co cadro do “X Solidario” do IRPF, a recadación desta campaña, 20,7 millóns de euros no 2020, adicarase a financiar proxectos contra…
Comparte!O pasado 21 de maio, EAPN Galicia e Fundación Esplai organizaron un obradoiro sobre como afecta o teletraballo ás entidades sociais. Co obxectivo de coñecer como afecta a normativa do teletraballo ás entidades do Terceiro Sector e as súas implicacións, EAPN Galicia, en coordinación coa Fundación Esplai Cidadanía Comprometida, organizaron unha xornada na que se…
Comparte!As entidades sociais estivemos, estamos e estaremos en primeira liña, apoiando e defendendo os dereitos das persoas máis vulnerables, moitas veces posible coa colaboración de todas as persoas que marcan o X Solidario na declaración da renda. Baixo as etiquetas #emerXenciaSOLIDARIA e #ConTuXAvanzamos, as ONG galegas lanzan unha campaña nas redes sociais con vídeos de…
Comparte!É primordial unha reconstrucción social que non deixe a ninguén fora, facendo fincapé na fenda dixital e na burocratización extrema que sofren persoas e entidades. Na asemblea de EAPN Galicia denunciouse a discriminación das entidades de acción social. A pesares de ser imprescindibles na reactivación económica e na resposta ás necesidades das persoas vulnerables seguen…
Comparte!No 2021 a Xunta de Galicia debe por en marcha do Plan de Choque contra a pobreza en familias Monoparentais, tal e como establece a recente Lei de Impulso Demográfico e a Estratexia Galega contra a violencia machista, en especial a máis extrema (prostitución, trata, senfogarismo). No Día Internacional polos dereitos das Mulleres, a Rede…
Comparte!A nova Lei inclúe demandas de EAPN Galicia sobre a loita contra a pobreza en familias con nenos e nenas, en especial as monoparentais, ou a soedade non desexada, educación de 0 a 3 anos, acollida de inmigrantes ou refuxiadas, impulso ao transporte regular e comercio de proximidade no rural ou mesmo a implicación das…
Comparte!O estudo xurde trala preocupación polas múltiples denuncias de todo tipo de abusos que expresan persoas en pobreza ou exclusión social. Identificar aquelas entidades bancarias que están aplicando comisións indebidas a persoas perceptoras de rendas minimas ou pensións e incumplindo a normativa contra a exclusión financieira ou analizar a perda de servizos nas zonas rurais…
Comparte!EAPN Galicia participa na Comisión de Reactivación Económica, Social e Cultural no Parlamento de Galicia incidindo en que o investimento en vivenda digna e accesible é a obra pública que debería ser prioritaria nos capítulos 6 e 7 dos vindeiros orzamentos en Xunta, concellos e deputacións. A COVID-19 trouxo un agravamento notable da situación das…
Comparte!Se es unha persoa relacionada co medio rural, precisamos a túa participación nesta consulta online. En especial se tes relación cos eidos de pobreza e exclusión social, vivenda e emprego Os resultados da mesma serán a base da estratexia de incidencia política cos departamentos implicados na Xunta de Galicia, así como en concellos e deputacións….
Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das devanditas cookies e a aceptación da nosa política de cookiespique no enlace para maior información.
Fai un comentario