Cómo aseguramos a participación das persoas en exclusión nas organizacións sociais?

0 29
O Grupo de Participación de EAPN Galicia participou no XX Congreso Estatal de Voluntariado cun obradoiro e as exposicións “Un muro de mentiras” e ” Ninguén á marxe”

Dende EAPN-Galicia, membro do comité experto do XX Congreso Estatal de Voluntariado incidiuse en que entre os temas prioritarios do Congreso deberían estar a loita contra a aporofobia e os prexuízos e a participación das persoas en situación de pobreza nas entidades de acción social.

Organizouse un obradoiro para aprender e reflexionar sobre como asegurar a participación das persoas en pobreza ou exclusión nas organizacións sociais ou qué barreiras o impiden.

Na actividade, moderada por Yosi Ledesma e Sara Abella, tratouse de dialogar entras as persoas e entidades do Terceiro Sector para que a participación das persoas sexa tratada dende un enfoque horizontal e non vertical e asistencialista, é dicir, que se traballe coas persoas e non para elas.

O obradoiro estivo conformado por un grupo moi heteroxéneo sobre todo de mulleres, tanto profesionais como voluntarias en organizacións e centros educativos. No mesmo, reflexionouse tamén sobre outras barreiras que impiden a plena participación, como a aporofobia ou a violencia administrativa, términos acuñados polas persoas participantes nos diferentes seminarios de Participación de EAPN España e que xa eran coñecidos por moitas das persoas participantes.

“As persoas non son culpables da súa pobreza. Non o son as nenas e nenos nin as súas nais e pais. Ninguén é inútil nin culpable do seu sufrimento”

Paralelamente, tamén se quiso amosar no Congreso, tanto a Declaración Institucional do Parlamento de Galicia contra o odiocomo as exposicións O Muro das Mentiras contra prexuízos e odio ás persoas en pobreza ou exclusión e “Ninguén á marxe“, con 32 as súas demandas para erradicala.

Similar articles

Fai un comentario

O seu email non será publicado. Os campos marcados son obrigatorios *

*

CONTACTO

Basquiños, 33
Santiago de Compostela,
15704 A Coruña
Teléfono: 881 95 72 84

Newsletter

Translation


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das devanditas cookies e a aceptación da nosa política de cookiespique no enlace para maior información.

ACEPTAR
Aviso de cookies