Defendemos un Concerto social que garanta uns servizos sociais de calidade e sen ánimo de lucro para todas as persoas

0 506

CONSEGUIDO! A Lei de Servizos Sociais recolle no seu novo Artigo 33 ter: Obxecto concertos sociais di:

Poderán ser obxecto de concerto social:
a) A reserva e a ocupación de prazas para uso exclusivo das persoas usuarias de servizos sociais ou os colectivos vulnerables, cuxo acceso sexa autorizado polas administracións públicas mediante a aplicación dos criterios previstos na normativa das administracións competentes.
b) A xestión integral de prestacións técnicas, tecnolóxicas, de servizos, programas ou centros.»

EAPN Galicia asistiu a unha reunión convocada polo Grupo Parlamentario Socialista na que defendeu o concerto social como vía de prestación de todo tipo de servizos nos que se prime a calidade fronte o lucro na atención das persoas en risco de exclusión social sen ter en conta o colectivo o que pertencen.

EAPN-Galicia, xunto con outras entidades do terceiro sector, acudiu a unha xuntanza convocada polo Grupo Parlamentario Socialista co obxectivo de mellorar a proposta de modificación dos artigos 29 e 33 da Lei de Servizos Sociais de Galicia presentada polo Grupo Parlamentario Popular o pasado 19 de febreiro.

A principal novidades que introduce a proposta e a figura do Concerto Social, modalidade de xestión indirecta de servizos sociais a través de entidades privadas para a xestión de centros, prestacións técnicas, tecnolóxicas ou servizos.

Seguindo as directrices europeas, o concerto social debe ter como obxectivo asegurar que os servizos sociais non sexan un produto lucrativo para certas entidades privadas e garantir a calidade e a defensa dos intereses das persoas fronte os intereses económicos.

parlamento 1

Sempre apostando por ofrecer un discurso o máis inclusivo posible, dende EAPN Galicia demandase que apareza de maneira explícita que os servizos sociais irán destinados a tódalas persoas pertencentes a calquera dos colectivos en risco de exclusión social recollidos na Lei 10/2013 de Inclusión Social de Galicia.

Dende EAPN deféndese tamén que o concerto social recolla a xestión integral de tódalas maneiras nas que se poden ofrecer os servizos sociais, tanto programas como as xa previstas de prestacións técnicas, tecnolóxicas, servizos ou centros.

Similar articles

Fai un comentario

O seu email non será publicado. Os campos marcados son obrigatorios *

CAPTCHA Image

(obrigatorio)

CONTACTO

Basquiños, 33
Santiago de Compostela,
15704 A Coruña
Teléfono: 881 95 72 84

Newsletter

Translation


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das devanditas cookies e a aceptación da nosa política de cookiespique no enlace para maior información.

ACEPTAR