Presentamos as propostas dun Pacto contra a Pobreza ao PSOE

0 137
Como ao resto de partidos politicos e coa mesma esixencia en todo o estado, a Xunta Directiva de EAPN Galicia presentoulle a Antonio Hernando, portavoz do PSOE as Propostas de EAPN España ante as vindeiras eleccións xerais.

A cita do 26X é a ocasión de demostrar que realmente existe unha vontade política compartida de asumir o reto de reducir a pobreza, exclusión e desigualdade, por parte dos partidos políticos que aspiran a formar goberno.

Dende EAPN Galicia e EAPN España, solicitamos, tanto a nivel autonómico como estatal, o compromiso da loita contra a pobreza e que as máis de 13 millóns de persoas que actualmente están en risco de pobreza e exclusión en España sexan un eixe prioritario da política social e económica.

IMG_4055

A Xunta Directiva de EAPN Galicia e Antonio Hernando, portavoz do PSOE

España atópase entre os países co nivel máis elevado de desigualdade e donde esta máis aumentou durante a crise, impulsada principalmente polo desemprego, a baixa calidade do emprego creado e a polarización dos ingresos entre as persoas ocupadas.

A pesar do incipiente crecemento económico, a situación social do noso país segue sendo moi grave, cun 28,6% da poboación en risco de pobreza e exclusión social (AROPE), por estar en pobreza relativa, en privación material severa e/ou por vivir en fogares en desemprego.

Tamén aumentou a porcentaxe de persoas traballadoras pobres (do 17,6% en 2014 ao 18,1% en 2015). 2 de cada 10 empregos non permiten unha vida sen pobreza.

As medidas propostas dende todas as ONG de acción social integradas en EAPN España no Pacto contra a pobreza son urxentes e necesarias porque, ademáis das circunstancias descritas, o impacto das transferencias sociais na redución da pobreza segue sendo escaso, especialmente no caso da infancia.

Por outra banda, segue habendo grandes disparidades e desequilibrios rexionais en canto aos datos de pobreza e exclusión, así como nas políticas e medidas de protección social postas en marcha.

É necesario construír un país máis xusto socialmente, no que todos e todas compartamos os mesmos dereitos.

Similar articles

Fai un comentario

O seu email non será publicado. Os campos marcados son obrigatorios *

CAPTCHA Image

(obrigatorio)

CONTACTO

Basquiños, 33
Santiago de Compostela,
15704 A Coruña
Teléfono: 881 95 72 84

Newsletter

Translation


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das devanditas cookies e a aceptación da nosa política de cookiespique no enlace para maior información.

ACEPTAR