A labor de comunicación das entidades sen ánimo de lucro do Terceiro Sector de Acción Social (TSAS) resulta unha actividade esencial para tratar de facer un traballo de incidencia política e social que tente mudar e mellorar a realidade á que se enfrontan no seu día a día.
Temos que ter presente en todo momento que a pobreza e exclusión son situacións nas que se están vendo vulnerados os dereitos das persoas, pero por iso non deixan de telos. En ocasións baixo o pretexto de “dar visibilidade”, realízase un espectáculo mediático no que se dana a dignidade das persoas.
Os prexuízos que se transmiten en medios de comunicación ou a través das redes sociais impiden ou dificultan o acceso destas persoas á plena cidadanía. As entidades do TSAS non poden ser nin motor nin cómplices desta difusión. Como organizacións que traballan en prol de colectivos en risco de exclusión social, comprometémonos a fomentar un discurso responsable e xusto, afastado de estereotipos e mecanismos que produzan ou manteñan as situacións de discriminación.
Por iso este código pretende ter en conta a linguaxe comunicativa e establecer unhas pautas consensuadas que dende as entidades débense seguir para dar a coñecer as diversas realidades coas que traballan.
A finalidade última da comunicación das entidades do TSAS debe ser o cambio social, logrando a través da difusión dos problemas existentes, unha maior implicación da sociedade no proceso
As organizacións do Terceiro Sector de Acción Social Galego integradas na Rede Galega contra a Pobreza, asumimos e nos comprometemos a cumprir o seguinte DECALOGO:
1. Respectar o dereito á intimidade e á propia imaxe, especialmente en acontecementos ou casos que xeren situacións de aflición ou dor, evitando a intromisión gratuíta e as especulacións innecesarias.
2. Evitar expresións, termos e/ou imaxes estereotipadas. Non reforzar falsos mitos, visións xeneralizadas, morbosas ou sensacionalistas.
3. Contextualizar ás imaxes/mensaxes, evitando visións sesgadas e parciais, máis susceptibles de ser malinterpretadas.
4. Evitar mensaxes que apelen á compaixón ou á culpa, presentando as persoas en situacións de extrema vulnerabilidade ou sen capacidade para decidir por si mesmas. Débese respetar en todo momento a súa dignidade.
5. Sería convinte, sempre que sexa posible, poñer o aceno nas persoas, dándolle voz na súa propia historia e sendo protagonistas dela.
6. Promover o tratamento informativo da realidade coa que traballamos como problemas sociais, non como casuísticas illadas.
7. Difundir mensaxes positivas. Amosar logros, situacións de autonomía e empoderamento das persoas. Sen caer no dramatismo, a magoa ou a procura da mala conciencia. A desgraza non é un espectáculo.
8. Empregar unha visión inclusiva que represente a diversidade existente na sociedade.
9. Defender un tratamento ético da información, asumindo a veracidade e a transparencia como requisitos fundamentais da comunicación.
10. Ter como obxectivo último da comunicación o cambio social. Promover a implicación e a participación da cidadanía para logralo.
Aprobado na Asemblea de EAPN Galicia do 6 de febreiro de 2015. Santiago de Compostela
Código Conduta Comunicación contra a Pobreza EAPN Galicia GALEGO
Código Conducta Comunicación contra la Pobreza EAPN Galicia Castellano
Mais información: Guía de Estilo Pobreza, Vulnerabilidade e Voluntariado
Comparte!EAPN Galicia busca unha persoa para a elaboración de documentos de posicionamento, incidencia política, dinamización de Grupos de Traballo estables e ad hoc; así como a organización de actividades e eventos previstos a nivel formativo, sensibilización ou fomento da participación social e política de persoas en situación ou risco de pobreza ou exclusión. Buscamos a…
Comparte! O acto foi o marco da presentación do VIII Informe situación 2024: Asegurando o dereito a unha vivenda digna, axeitada e accesible en Galicia. Contou con dúas mesas de diálogo nas que se analizaron algunhas das casuísticas máis agravantes do acceso a unha vivenda digna, axeitada e accesible. Á xornada asistiron preto de 70…
Comparte! O “Informe do Estado da Pobreza en Galicia 2024”, revela que o 25,5% da poboación de Galicia estaba en risco de pobreza e/ou exclusión social no 2023, o que se traduce en 690.000 persoas, 50.000 máis que no ano anterior. No 2023 experimentouse una redución da implicación política e orzamentaria e as transferencias públicas…
Comparte! O seminario foi a resposta a, practicamente un clamor, que moitas persoas en pobreza ou exclusión social expresaron en varios Encontros de Participación nos que relataron experiencias negativas, actitudes aporófobas e racistas e faltas de respecto, especialmente nos servizos sociais municipais e nas entidades máis asistencialistas. O seminario tiña como obxectivo analizar estas experiencias…
Comparte!Na xuntanza tratáronse temas como a urxencia da nova Lei de Inclusión, a simplificación burocrática, a coordinación con outras consellerías como as de Vivenda ou Emprego, e cos concellos. Entroutras demandas da Rede, destacouse a necesidade de que as entidades sociais conten cun financiamento estable para garantir unha maior calidade de atención. A Xunta directiva…
Comparte! O pasado 11 de xuño celebrouse en Santiago de Compostela o XV Encontro Galego de Participación para persoas en pobreza ou en risco de exclusión social baixo o lema “A saúde mental importa? Impacto da saúde mental na vulnerabilidade das persoas”. Tratouse dunha xornada durante a cal os asistentes traballaron na elaboración de propostas…
Comparte!Segundo o Eurobarómetro publicado en abril do 2024, os temas que máis preocupan á cidadanía europea son a pobreza e a exclusión social e a saúde pública. Desde EAPN presentamos un dodecálogo de doce grandes demandas de cara unha Europa máis social e libre de pobreza. Celebraremos un webinar sobre este tema, que busca facer…
Comparte! A exposición poderá visitarse desde o 20 de maio ata o 10 de xuño no centro comercial Área Central. A mostra costa de 14 paneis fotográficos nos que se amosan situacións reais das dificultades de contar cunha vivenda digna, axeitada e accesible. No marco do acto de presentación, celebrouse unha mesa redonda para falar…
Comparte!Presentamos á nova entidade membro de EAPN- Galicia. HOGAR SÍ chega a Galicia en 2018, para desenrolar solucións á emerxencia de vivenda baseadas na metodoloxía Housing First. Poñen a vivenda no foco de atención, buscando solucións de emprego personalizado para grantir a inserción sociolaboral das persoas en situación de senfogarismo mediante un emprego estable e…
Comparte!O senfogarismo, o chabolismo, os desafiuzamentos e a infravivenda foron temas clave a tratar durante a presentación da exposición itinerante que permanecerá na sede da Valedora do Pobo ata o mes de maio. Ao acto asistiron parlamentarios e parlamentarias de varios grupos políticos para escoitar as demandas das entidades que tecen rede en EAPN Galicia….
Fai un comentario