EAPN Galicia recibe o Premio “Dolores Llópiz: Psicoloxía e Sociedade 2016”
— 14 Outubro, 2016
336
O galardón, outorgado polo Colexio Oficial de Psicoloxía de Galicia, distingue á persoa, institución ou asociación que teñan contribuído ao desenvolvemento da profesión de psicoloxía e a través do cal se pretende significar o traballo do terceiro sector neste momento histórico de acusada emerxencia social.
A Xunta Directiva de EAPN Galicia acudirá hoxe ao acto “Achegas da psicoloxía”, encontro organizado polo Colexio Oficial de Psicoloxía de Galicia, no que se fara entrega do Premio “Dolores Llópiz: Psicoloxía e Sociedade 2016” .
O galardón é un recoñecemento á rede polo traballo realizado dende o 2008 a prol da loita contra a pobreza e a exclusión social, a través da incidencia en políticas sociais así como pola labor de cada unha das 126 entidades do Terceiro Sector Social galego que a conforman e que loitan día a día en contra dos prexuízos, estereotipos e estigmatización das persoas máis vulnerables.
O encontro realizarase no Parador de Ribadeo, e contará, ademais da entrega de premios, cun foro e coloquio sobre a psicoloxía actual e futura, entre outras actividades.
Para máis info aquí tes o programa completo.
Fai un comentario