Un ano máis, EAPN España e EAPN Galicia celebraron o evento de referencia en Galicia de participación de persoas en risco ou situación de pobreza e exclusión social. Limitado nesta ocasión a un máximo de 65 persoas para asegurar o cumprimento da normativa sanitaria.
Baixo o lema ‘Os dereitos básicos non son unha lotería‘, o encontro, que tivo lugar o pasado 6 de outubro, tiña como obxectivo xerar un espazo no que se traballase de cara ao empoderamento e participación real e efectiva das persoas na sociedade na que viven.
Pecha un proceso previo de obradoiros locais para asegurar a participación efectiva e que contou coa implicación e apoio constante de profesionais de organizacións como Accem, Alzheimer Galicia, Amaranta, APES, Boa Vida, Cáritas Mondoñedo-Ferrol, COGAMI, Emaus Fundación Social, Fundación Juan Soñador, Fundación Ronsel, Medicos do Mundo ou Provivienda.
O encontro centrouse en torno a tres temáticas, que se configuran como dereitos básicos ou barreiras no acceso aos mesmos: A fenda dixital, que afecta transversalmente ao cumprimento e acceso a servizos e dereitos, a exclusión bancaria ou a vulneración dos dereitos económicos e financeiros e a vivenda, como piar fundamental e elemento clave na protección contra situacións de pobreza e exclusión cando é digna, axeitada e accesible.
Na mesa redonda inicial contouse con intervención de Diego Estévez que participa na organización APES e que introduciu o tema da fenda dixital. Javier Pérez da organización Boa Vida falounos dos dereitos económicos, e por último Duvraska Aimeth da organización Accem puxo enriba da mesa a emerxencia en vivenda.
Máis tarde e durante toda a xornada, as persoas asistentes traballaron en grupos reducidos o xeito en que estas cuestións afectan na vida diaria e, sobre todo, cales son as propostas para que estes dereitos sexan garantidos. Para rematar, realizouse unha votación para priorizar as propostas de todos os grupos e este foi o resultado:
O documento completo de propostas será presentado en breve tanto á Xunta de Galicia como aos diferentes grupos parlamentarios e Valedora do Pobo.
Ao longo de todo o encontro quedou patente a necesidade urxente dunha vivenda digna, axeitada e accesible. As persoas asistentes a este encontro aseguraban ter que verse constantemente na situación de priorizar a vivenda sobre outros gastos, denunciaron situacións de discriminación, cláusulas abusivas nos contratos de alugueiro, etc.
Con isto, lembrouse de novo a importancia de que sumarse á campaña #EmergenciaVivienda coa que se pretende chamar a atención sobre a emerxencia residencial e habitacional na que viven máis de 11 millóns de persoas en España e coa que as organizacións membro de EAPN pretenden visibilizar a gravidade da situación.
Ante a gravidade da situación en Galicia, e baixo o cancelo #EmerxenciaVivenda, a campaña xa foi asumida por 48 organizacións reclamando o aumento drástico e urxente dos raquíticos orzamentos adicados ao acceso á vivenda na Xunta e na maioría dos concellos galegos e a súa coordinación coas organizacións de acción social.
Documentación do Seminario:
Comparte!EAPN- Galicia valora positivamente a cesión das competencias en igualdade á Consellería de Política Social e a posta en valor da Consellería de Emprego e considera indispensable que este novo goberno garanta o financiamento das entidades do Terceiro Sector de Acción Social con experiencia en inclusión socioresidencial. EAPN-Galicia felicita ao novo goberno da Xunta…
Comparte!A asemblea ordinaria de EAPN- Galicia aprobou o documento de análise das propostas electorais das forzas políticas con representación no Parlamento de Galicia e o seu nivel de acordo coas demandas das entidades membro da Rede. PP, BNG e PSdeG teñen un elevado nivel de consenso parcial, e ás veces total, nos seus programas en…
Comparte!Na campaña anterior, un 54,5% dos contribuíntes galegos e galegas, marcaron o recadro do X Solidario (24.528 máis que no ano anterior), recadándose 24.029.488 de euros, (2.638.195 euros máis que o ano anterior). Se todas as galegas e galegos marcasen o X Solidario, a asignación final en Galicia sería de 39.461.392€, é dicir, 15.431.905 €…
Comparte!O equipo de 1º de Integración Social do CIFP Portovello levou a cabo unha serie de actividades destinadas a sensibilizar e concienciar sobre diversos colectivos vulnerables. Entre elas atópase a creación do Muro da Inclusión, unha iniciativa que amosa os prexuízos da sociedade cara determinados grupos de persoas e os desmonta desafiando as crenzas establecidas….
Comparte!O senfogarismo, o chabolismo, os desafiuzamentos e a infravivenda foron temas clave a tratar durante a presentación da exposición itinerante que permanecerá na sede da Valedora do Pobo ata o mes de maio. Ao acto asistiron parlamentarios e parlamentarias de varios grupos políticos para escoitar as demandas das entidades que tecen rede en EAPN Galicia….
Comparte!EAPN Galicia e as suas entidades membro animan a votar nas eleccións do 18 de febreiro e propoñen a todas as candidaturas 4 principios, 10 prioridades, 80 medidas e 15 metas para avanzar contra a pobreza, a exclusión social e a desigualdade en Galicia. Ante o impacto da inflación, a suba dos prezos da enerxía e…
Comparte! Un seminario, organizado por EAPN Galicia en colaboración con EAPN España, de interese para calquera organización social que realice programas de inclusión sociolaboral e queira coñecer en detalle a metodoloxía utilizada polas entidades da Rede Emprego Digno, ademais das propostas de mellora das políticas de inclusión sociolaboral Martes 30 de xaneiro 10.00 – 12.30…
Comparte!Contratación dependente da Subvención para o fomento do emprego dos Programas de Cooperación da Xunta EAPN Galicia busca unha persoa titulada en Xornalismo e outra en Ciencias Políticas, para formar parte da entidade durante 12 meses, no marco do proxecto de fomento da participación, inclusión sociolaboral, traballo en rede, comunicación e formación de persoas en…
Comparte!A implicación conxunta de 14 entidades traballando en rede, cunha metodoloxía integral e individualizada, foron determinantes para o éxito dos resultados obtidos No Simposio ‘A inclusión sociolaboral das persoas vulnerabilizadas’ presentáronse os resultados do Programa e mais o ‘Manual de boas prácticas para a inclusión sociolaboral con persoas vulnerabilizadas’ O pasado 15 de…
Comparte!Este evento aberto á participación de empresas, administracións e entidades do Terceiro Sector, terá lugar o 15 de novembro na Cidade da Cultura, co dobre obxectivo de presentar o balance do Programa Integrado para o Fomento da Empregabilidade de Persoas Vulnerables e o Manual de boas prácticas para a inclusión sociolaboral. O éxito do programa…
Fai un comentario