Inicio / destacadas / novas / 32 demandas de persoas en pobreza ou exclusión social na exposición “Olladas inclusivas. Ningúen á marxe” que hoxe se inaugurou na Xunta de Galicia
32 demandas de persoas en pobreza ou exclusión social na exposición “Olladas inclusivas. Ningúen á marxe” que hoxe se inaugurou na Xunta de Galicia
Destacouse a urxencia de reducir unha burocracia que non impida un acceso rápido e sinxelo ás persoas que precisen prestacións e axudas contra a pobreza e que non perxudique as ONG que impulsan programas de inclusión social.
As demandas están presentes nas redes coa etiqueta #ContraPobreza
Co motivo da celebración do Día Mundial da Xustiza Social, esta mañá inaugurouse
a exposición “Olladas Inclusivas. Ninguén
á marxe”, na Sede da Xunta de Galicia en San Caetano. No acto estiveron
presentes o presidente da Xunta de Galicia, Alberto Núñez Feijóo e o presidente
de EAPN Galicia – Rede Galega contra a Pobreza e a Exclusión Social, Antonio
Hernández, acompañados de representantes políticas, responsables da
Coordinadora Galega de ONGD e Plataforma
de Infancia de Galicia e de organizacións de acción social.
A exposición “Olladas Inclusivas. Ninguén á marxe” está formada por fotografías de persoas das organizacións membro de EAPN Galicia, pero o máis importante por 32 demandas e propostas de loita contra a pobreza e a exclusión social que as acompañan, en especial as identificadas nos últimos encontros e seminarios de participación, en Santiago de Compostela ou Canarias.
Das 32 demandas destacan a esixencia dunha simplificación burocrática importante a todos os niveis para que deixe de ser unha carga excesiva e unha escusa para a culpabilización da persoa que se atopa en situación de pobreza. Tamén asegurar unhas rendas mínimas dignas, a erradicación do chabolismo e a infravivenda, accesibilidade plena ou un plan para familias monoparentais (nun 80% encabezadas por mulleres).
En palabras de Antonio Hernández “para que as actuacións que se desenvolven
dende o Terceiro Sector de Acción Social galego se leven a cabo coa mellor
eficiencia e eficacia posible no que á defensa dos dereitos das persoas se
refire, é esencial poder manter a interlocución coas administracións públicas,
lonxe de medidas asistenciais e paternalistas”. Nesta liña, a exposición
pretende poñer o foco sobre algunhas das recomendacións ou indicacións que se
deben seguir por parte de entidades, administración e comunidade para favorecer
a participación a todos os niveis das persoas en situación de pobreza e
exclusión.
Pola súa parte, o Presidente da
Xunta de Galicia expresou que “abrir ás
institucións á sociedade civil faise necesario para que, aínda que non se estea
de acordo en todas as demandas que se expoñen, se abra a reflexión e o debate.
Deste xeito tamén se poderá garantir mellor tanto o cumprimento e actualización
da Axenda Social de Galicia como o avance en materia de Rendas Mínimas áxiles e
dignas”.
Para pechar o acto, Beatriz
Chaos, Zaida Jiménez e Javier Pérez, en nome das persoas traballadoras,
voluntarias ou participantes das entidades membro de EAPN Galicia, deron
lectura á Declaración
Institucional contra o contra o odio e a intolerancia ás persoas en pobreza ou
exclusión aprobado por unanimidade no pleno do Parlamento de
Galicia o pasado Día Internacional para a Erradicación da Pobreza.
Durante o mes que durará a
exposición, as fotos e demandas da mesma estarán tamen presentes nas redes
sociais coa etiqueta #ContraPobreza.
Asegurar que as responsabilidades de coidado non sexan impedimento para a inclusión ou o acceso ao emprego
As persoas non son culpables da súa pobreza: Loita contra prexuizos, intolerancia e aporofobia
Plan galego para familias monoparentais (o 80% delas cunha muller á fronte)
A mocidade é o sector de poboación máis empobrecido. Non podemos permitirnos que queden atrás
Asegurar que as responsabilidades de coidado non sexan impedimento para a inclusión ou o acceso ao emprego
Eliminar prexuizos e estereotipos mediante a información sobre a realidade de todas as persoas (discapacidade, migrantes, privadas de liberdade, etc.)
Defender o dereito a vivir nunha familia implica por exemplo que a RISGA sexa prioritaria en importes e trámites, cando haxa nenos e nenas ou persoas dependentes
Acceso a vivendas sociais 100% accesibles con estudo previo das características de cada persoa (necesidades, ingresos, etc.), con redución significativa da burocracia
Compartir o coidado: permisos de paternidade, roles de home e muller na familia, …
Que se ofrezan como aluguer social aquelas vivendas de bancos e do sector privado desocupadas para especular con elas
Mesmo emprego, mesmo salario. Garantir a lexislación e sancionar cando non se cumpra
Loitar contra a pobreza rural desde pobos e aldeas, non desde as cidades
Por un mundo sen barreiras. Accesibilidade universal XA!
Información e sensibilización en empresas sobre todas as persoas (discapacidade, migrantes, privadas de liberdade, etc.) para eliminar prexuízos e estereotipos
A educación é a base dos nosos valores como sociedade. Debe de ser realmente pública, gratuíta, de calidade e inclusiva
Participación sistemática (presencial e en liña) de persoas en risco de pobreza, non reunións puntuais
Normalizar a percepción da RISGA a inmigrantes comunitarios (ou ante irregularidade sobrevida)
A vivenda é o primeiro! Máximo complemento de vivenda en decreto RISGA
Aumentar o IPREM (paralizado dende 2010) e garantir un salario digno
Rendas mínimas decentes e áxiles. Adaptadas ás necesidades das familias e persoas para permitir unha vida autónoma
Loita eficaz contra os delitos de odio, intolerancia e aporofobia
Educación que aposte polos valores, que traballe a diversidade e a inclusión e que teña en conta os retos dunha sociedade que cambia a gran velocidade
Esixir unha linguaxe administrativa e xudicial entendible, simple, inclusiva e ao gran, para que calquera cidadán a poida entender
Acabar co chabolismo e a infravivenda en Galicia
Os empregos teñen que ser dignos, tanto en salarios como en condicións laborais. Ten que haber máis inspeccións laborais para controlar abusos
Crear cotas nas empresas para que as persoas en situación de pobreza poidan acceder ao emprego
Asegurar participación igualitaria entre homes e mulleres, sen discriminar por raza, identidade sexual ou xénero, nacionalidade, discapacidade. Sobre todo nas políticas que nos afectan
Eliminar a burocracia para que deixe de ser unha barreira de acceso aos nosos dereitos e de culpabilizarnos
Que se poñan nos nosos zapatos e na nosa pel! Sen empatía, nin a participación política nin a gobernanza son posibles
Comparte!Froito desta investigación resultará un manual de boas prácticas nos programas de inserción sociolaboral, que incluirá propostas de incidencia política que posibiliten o desenvolvemento de políticas sociais e de emprego eficaces, así como de programas de inclusión sociolaboral produtivos. No marco do Programa para o fomento da empregabilidade e a inclusión sociolaboral de persoas en…
Comparte!As 14 entidades que desenvolven o programa validan a metodoloxía de intervención e poñen en valor a importancia do traballo en rede Neste programa piloto participaron 292 persoas en situación ou risco de exclusión social, que viron mellorada a súa empregabilidade, e unha cifra significativa delas accederon a un emprego No ano 2022, 14 entidades…
Comparte!As mulleres galegas enfrontan obstáculos para acceder a empregos ben remunerados e posicións de liderado nun mercado laboral marcado pola desigualdade de xénero Con motivo do 8 de Marzo, Día Internacional da Muller, faise necesario pór o foco na desigualdade de xénero no emprego, tanto no acceso ao mesmo como nas condicións que atopan as…
Comparte!“Seguiremos traballando para reducir a pobreza e a exclusión, para eliminar discursos de odio e aporofobia, reducir a burocracia extrema, incidir na falta de vivenda, dignificar os coidados, reducir a soedade e para eliminar fendas e barreiras” manifestou a presidenta de EAPN Galicia, Eloina Ingerto, no acto de recollida do premio. Radio Galicia SER…
Comparte!O pasado 2 de marzo de 2023 a EAPN Galicia e o seu Grupo de Inclusión organizaron o seminario online “Garantía de ingresos en Galicia: Cara a unha nova Lei de Inclusión”. Coa inminente actualización da Lei de Inclusión de Galicia, esta xornada pretendíu servir de espazo de reflexión e debate propositivo, para comezar a…
Comparte!EAPN Galicia puxo en marcha un concurso de fotografía co obxectivo de amosar a realidade da exclusión residencial en Galicia, dentro da campaña #EmerxenciaVivenda As fotografías mais valoradas formarán parte da exposición itinerante para reclamar a Xunta e concellos vivendas dignas e accesibles que se presentará no Día da Xustiza Social (20 de febreiro) O…
Comparte!Arranca en Galicia o proxecto “Detección e mobilización das persoas elixibles para o Ingreso Mínimo Vital en situación de Non take-up”. O obxectivo é identificar as barreiras polas que as persoas que teñen dereito ao Ingreso Mínimo Vital non o están obtendo. No 2023 o Grupo de Inclusión de EAPN Galicia traballará nas propostas para…
Comparte!EAPN Galicia pon en marcha un concurso de fotografía co obxectivo de amosar a realidade da exclusión residencial en Galicia, dentro da campaña #EmerxenciaVivenda. O prazo está aberto ata o 18 de decembro e calquera persoa maior de 18 anos pode participar. A Rede Europea Contra a Pobreza e a Exclusión Social (EAPN – Galicia),…
Comparte!AEIGA, Asociación de Empresas de Inserción de Galicia, xa é membro de EAPN Galicia, aumentando as posiblidades de inserción sociolaboral de persoas en pobreza ou exclusión social O 7 de Xullo na Asamblea de EAPN Galicia foi aprobada por unanimidade a entrada de AEIGA, Asociación de Empresas de Inserción de Galicia como novo membro da…
Comparte!O informe ‘Estado da pobreza en Galicia 2022 revela que 678.000 persoas, o 25,2% da poboación galega, estaba en risco de pobreza ou exclusión social (AROPE) no 2021, 4.000 menos que o ano anterior. Os datos reflicten o impacto da pandemia polo COVID 19 pero tamén o relativo éxito das medidas de choque contra a…
Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das devanditas cookies e a aceptación da nosa política de cookiespique no enlace para maior información.
Fai un comentario