“Quítannos o dereito de quenes queremos ser: divídennos, etiquétannos, métennos en caixas”

0 564
Comparte!
No IX Seminario Galego de Participación e Cidadanía Inclusiva case 90 persoas en risco de pobreza ou exclusión identifican as desigualdades que lles afectan e propoñen medidas para combatelas, en especial as que aseguren a igualdade de xénero.

Baixo o lema “Facendo camiño: Xuntas pola igualdade real” e a etiqueta #ReclamoIgualdade EAPN-Galicia celebrou o pasado 23 de maio a novena edición do Seminario Galego de Participación e Cidadanía Inclusiva.

Este seminario supón unha oportunidade para cuestionar situacións da vida cotiá que impiden a plena inclusión das persoas, perpetúan situacións inxustas, alimentan estereotipos negativos e accións prexuiciosas. O fin último é un maior empoderamento e un nivel óptimo de participación real e efectiva das persoas na sociedade na que viven, defendendo e loitando polos dereitos fundamentais.

A esta xornada acudiron preto de 90 participantes (a maioría en situación ou risco de pobreza ou exclusión) das entidades membro da rede, buscando reflexionar sobre as desigualdades ás que se enfronta cada persoa en diferéntes áreas da nosa sociedade (laboral, sanitaria, educación, rendas mínimas, etc, así como qué propostas poderían levarse a cabo para combatir ditas desigualdades.

Na primeira parte da xornada e nos 8 obradoiros locais previos, tras lembrar a preocupante denuncia no seminario do ano pasado sobre as mentiras, estereotipos e prexuízos que afectan ás persoas e que motivou que o Parlamento de Galicia aprobara por unanimidade unha Declaración Institucional contra o odio e a intolerancia, douse resposta en grupos de reflexion a tres preguntas: Qué entendes por igualdade?; Qué tipos de desigualdades se che ocorren?; Cómo podemos combater estas desigualdades?

“Máis cartos, equivalen a máis dereitos”.

Loitar contra o fraude fiscal e asegurar unha fiscalidade que non siga perxudicando as persoas con menos ingresos, denunciar o aproveitamento das necesidades das persoas para a súa contratación precaria ou o “amedrentamento” e culpabilización dende a administración pública, redución drástica das múltiples barreiras burocráticas que as persoas se atopan a diario para acceder aos seus dereitos ou fomentar a competencia empresarial “para que baixen os prezos a beneficio de todos os cidadáns con menos recursos” foron algunhas das propostas realizadas.

NON É NON!

A segunda parte da xornada dedicouse a dar resposta á pregunta Qué propoño a favor da igualdade de xénero?. Entendida como a falta de equidade, equilibro ou igualdade de oportunidades, participación social, económica, política, laboral ou acceso a recursos entre xéneros. E no que as mulleres son o xénero máis vulnerable e con máis barreiras de acceso a todos estes ámbitos.

Equiparación por lei de salarios, educación por igual dende a infancia para nenas e nenos; recoñecemento dos traballos non remunerados (traballo no fogar, coidado de persoas dependentes, etc.), sentencias xustas e concienciar en contra da cultura da violación, identificar en como afecta o machismo tamén aos homes para xerar maior empatía e conciencia feminista ou fomentar o emprego feminino en ámbitos e profesións tradicionalmente atribuídos aos homes (e viceversa), foron algunhas das múltiples propostas identificadas.

Os aportes recollidos serán estudiados polas entidades membro de EAPN Galicia para a súa presentación a grupos parlamentarios, responsables da Xunta de Galicia e Valedora do Pobo no vindeiro Día Mundial de Erradicación da Pobreza o 17 de outubro. Tamén formarán parte das demandas nos encontro estatal e europeo de participación

Para máis información:

Conclusións VIII Seminario Gallego de Participación e Ciudadanía Inclusiva

Similar articles

Fai un comentario

O seu email non será publicado. Os campos marcados son obrigatorios *

*

CONTACTO

Pza. Camilo Díaz Baliño, 17
(Centro de negocios ESMARTA)
Santiago de Compostela
15704 A Coruña
Teléfono: 698 12 71 10

Traducir

GalegoEspañol

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das devanditas cookies e a aceptación da nosa política de cookiespique no enlace para maior información.

ACEPTAR
Aviso de cookies