O 15 e 16 de xuño EAPN Galicia, a Coordinadora Galega de ONGD e as entidades do Terceiro Sector Galego organizan en Santiago de Compostela o II Cumio contra os discursos de Odio para coñecer e crear rede entre as múltiples iniciativas postas en marcha para difundir o discurso alternativo e maioritario de defensa dos dereitos e a dignidade das persoas.
Dende as entidades do Terceiro Sector compartimos a preocupación pola expansión do discurso de odio entre a poboación , non só nas súas manifestacións a través das redes sociais ou nos debates televisivos, senón tamén na súa presenza cada vez máis frecuente nos centros educativos, nos espazos de ocio ou en produtos culturais.
Nos últimos anos, e en contraposición a estes discursos están a xurdir multitude de iniciativas postas en marcha por persoas e organizacións para xerar narrativas alternativas e poñer en valor a tolerancia e a xustiza social. Por iso, e como xa fixemos no 2021, coa organización do I Cumio Galego Contra o Odio, este ano EAPN Galicia a Coordinadora Galega de ONG xunto a Ecos do Sur e a Asociación Galega de Comunicación para o Cambio Social (AGARESO) estamos a preparar o II Cumio contra os Discursos de Odio en Galicia que se celebrará en Santiago de Compostela, co obxectivo de recadar o maior número de iniciativas ou proxectos que estean intentando reverter esta situación.
Consideramos que este tema debe implicar a toda a sociedade e, por iso, abrimos as portas para que dende calquera entidade, colectivo ou centro educativo que queira participar neste espazo de encontro e reflexión presentedes as vosas iniciativas ou proxectos contra o discurso de odio para participar o vindeiro 16 de xuño na xornada.
Buscamos boas prácticas, pero tamén aprender dos erros cometidos, dos casos particulares e das diferentes experiencias que se estean dando a nivel multidisciplinar para poder entre todas e todos ter unha maior impacto e construír unha sociedade máis xusta, máis tolerante, con máis capacidade de reflexión e, cada vez, menos discriminatoria. O reto é grande, así que animádevos a enviar a vosa proposta!
Unha vez estean presentadas as iniciativas, faremos unha revisión de todas as propostas e escolleremos as que creamos que aporten máis á reflexión colectiva para a súa presentación o 16 de xuño en Santiago de Compostela. Serán presentacións curtas posto que o obxectivo é compartir e que todas poidamos escoitar e consultar o que queiramos das experiencias das outras entidades e, para aquelas que acudan a presentar os seus proxectos os gastos de desprazamento estarán cubertos.
Podes cubrir o seguinte formulario. Estaremos encantadas de saber de vos e pornos en contacto. E, por suposto, podedes compartir e difundir esta noticia para que chegue a maior cantidade de persoas.
Presentación da campaña #ContraAporofobia Santiago de Compostela 2019
Comparte!Presentamos á nova entidade membro de EAPN- Galicia. HOGAR SÍ chega a Galicia en 2018, para desenrolar solucións á emerxencia de vivenda baseadas na metodoloxía Housing First. Poñen a vivenda no foco de atención, buscando solucións de emprego personalizado para grantir a inserción sociolaboral das persoas en situación de senfogarismo mediante un emprego estable e…
Comparte!EAPN- Galicia valora positivamente a cesión das competencias en igualdade á Consellería de Política Social e a posta en valor da Consellería de Emprego e considera indispensable que este novo goberno garanta o financiamento das entidades do Terceiro Sector de Acción Social con experiencia en inclusión socioresidencial. EAPN-Galicia felicita ao novo goberno da Xunta…
Comparte!A asemblea ordinaria de EAPN- Galicia aprobou o documento de análise das propostas electorais das forzas políticas con representación no Parlamento de Galicia e o seu nivel de acordo coas demandas das entidades membro da Rede. PP, BNG e PSdeG teñen un elevado nivel de consenso parcial, e ás veces total, nos seus programas en…
Comparte!O equipo de 1º de Integración Social do CIFP Portovello levou a cabo unha serie de actividades destinadas a sensibilizar e concienciar sobre diversos colectivos vulnerables. Entre elas atópase a creación do Muro da Inclusión, unha iniciativa que amosa os prexuízos da sociedade cara determinados grupos de persoas e os desmonta desafiando as crenzas establecidas….
Comparte!O senfogarismo, o chabolismo, os desafiuzamentos e a infravivenda foron temas clave a tratar durante a presentación da exposición itinerante que permanecerá na sede da Valedora do Pobo ata o mes de maio. Ao acto asistiron parlamentarios e parlamentarias de varios grupos políticos para escoitar as demandas das entidades que tecen rede en EAPN Galicia….
Comparte!EAPN Galicia e as suas entidades membro animan a votar nas eleccións do 18 de febreiro e propoñen a todas as candidaturas 4 principios, 10 prioridades, 80 medidas e 15 metas para avanzar contra a pobreza, a exclusión social e a desigualdade en Galicia. Ante o impacto da inflación, a suba dos prezos da enerxía e…
Comparte! Un seminario, organizado por EAPN Galicia en colaboración con EAPN España, de interese para calquera organización social que realice programas de inclusión sociolaboral e queira coñecer en detalle a metodoloxía utilizada polas entidades da Rede Emprego Digno, ademais das propostas de mellora das políticas de inclusión sociolaboral Martes 30 de xaneiro 10.00 – 12.30…
Comparte!A implicación conxunta de 14 entidades traballando en rede, cunha metodoloxía integral e individualizada, foron determinantes para o éxito dos resultados obtidos No Simposio ‘A inclusión sociolaboral das persoas vulnerabilizadas’ presentáronse os resultados do Programa e mais o ‘Manual de boas prácticas para a inclusión sociolaboral con persoas vulnerabilizadas’ O pasado 15 de…
Comparte!Este evento aberto á participación de empresas, administracións e entidades do Terceiro Sector, terá lugar o 15 de novembro na Cidade da Cultura, co dobre obxectivo de presentar o balance do Programa Integrado para o Fomento da Empregabilidade de Persoas Vulnerables e o Manual de boas prácticas para a inclusión sociolaboral. O éxito do programa…
Comparte!O informe ‘Estado da pobreza en Galicia 2023’ revela que 636.000 persoas, o 23,6% da poboación galega, estaba en risco de pobreza ou exclusión social no 2022, cifra inferior ao ano anterior. Os datos reflicten o proceso de recuperación tras a pandemia da COVID-19, os efectos da inflación e as consecuencias provocadas pola guerra de…
Fai un comentario