A recuperación non chega as galegas e galegos en risco de pobreza ou exclusión

0 84
A Enquisa de Condicións de Vida sitúa a taxa de poboación en risco de pobreza ou exclusión (AROPE) no 25,4% no 2016, apenas tres décimas menos que no ano anterior
Aumenta a taxa de poboación en risco de pobreza en España, que se sitúa no 22,3% no 2016
Taxa AROPE Galicia. Evolución 2008-2016

 

A última Enquisa de Condicións de Vida 2016 (ECV) publicada polo Instituto Nacional de Estatística (INE), amosa, tanto a nivel estatal como galego, que nin a recuperación económica nin a creación de emprego precario abondan para reducir substancialmente as taxas de pobreza ou exclusión.

O indicador europeo AROPE de risco de pobreza ou exclusión social (Estratexia Europa 2020) indica que no 2016, o 27,9% da poboación española atópabase nesta situación (28,6% no ano anterior).

En Galicia, unha de cada catro persoas se atopaban nesta situación (25,4%), cunha leve recuperación fronte ao 25,7% do ano 2015. A pesar desto, a taxa non baixa do 25% e segue a aumentar dende o ano 2011, cando acadou datos mínimos dende o inicio da crise (21%). Pódese consultar o detalle de datos neste enlace do INE

A pobreza apenas se reduce

A análise dos tres conceptos que agrupa o indicador AROPE (taxa de pobreza, carencia material e intensidade laboral nos fogares) confirma un aumento da poboación española por debaixo do umbral da pobreza (taxa de risco de pobreza). No último ano pasou a afectar ao 22,3% da poboación residente en España, fronte ao 22,1% rexistrado o ano anterior.

En Galicia, o 19% da poboación estaba no 2016 por debaixo do umbral da pobreza, 700.000 persoas, apenas catro décimas menos que no ano anterior.

A nivel nacional compre sinalar o aumento desta taxa nas persoas maiores de 65 anos (de 0,7 puntos). Pola súa parte, a taxa de risco de pobreza para os menores de 16 anos situouse a nivel estatal 28,9%, sendo 6,6 puntos superior á do conxunto da poboación.

A creación de emprego precario non está supoñendo melloras substanciais nos fogares galegos. A intensidade laboral (fogares nos que os seus membros traballan menos do 20% do seu tempo dispoñible) apenas diminuiu do 13,8% ao 13,6% entre 2015 e 2016.

Esta feble recuperación ten a súa consecuencia na porcentaxe de persoas con carencia ou privación material severa, que diminúe unha décima entre 2015 e 2016 (do 4,2% ao 4,1%). Destaca por exemplo o aumento das persoas sen capacidade para afrontar gastos imprevistos (28,9%)

113.000 galegas e galegas non poden permitirse catro destes nove conceptos:

Carencia material severa España e Galicia 2014 a 2016

Situación económica dos fogares

No momento de realización da enquisa (primavera do 2016), o 6% dos fogares galegos manifestaron chegar a fin de mes con “moita dificultade”. Esta porcentaxe é 1,1 puntos menor que a rexistrada no ano anterior. Neste senso Galicia leva unha tendencia contraria ao conxunto do estado, no que esta porcentaxe se veu incrementada en 1,6 puntos, pasando do 13,7% do 2015 ao 15,3% no ano 2016.

Por outra banda, o 29,7% dos fogares non ten capacidade para afrontar gastos imprevistos, dato que se mantén relativamente estable, cun incremento dunha décima respecto do ano anterior.

Resultados por comunidades autónomas

Facendo comparacións a nivel autonómico, atopámonos con que as taxas de risco de pobreza ou exclusión social (AROPE) máis elevadas son as de Canarias (44,6%), Ceuta (41,9%) e Andalucía (41,7%), e as máis baixas as de Navarra (13%), País Vasco (15,9%) e La Rioja (17,4%).

Taxa AROPE por CCAA 2016Os ingresos medios anuais máis elevados (en 2015) déronse en Pais Vasco (14.345 euros por persoa), Comunidade Foral de Navarra (13.408€) e Cataluña (12.660€).

Pola súa parte, os ingresos medios anuais máis baixos rexistráronse na Rexión de Murcia (8.273€ por persoa), Andalucía (8.398€) e Extremadura (8.674€). En Galicia o ingreso anual por persoa ascende á media de 10.439€, o que supón un aumento de pouco máis de 200€ ao ano (10.212€ no ano anterior).

Algúns datos salientables

Unha de cada cinco persoas en España vive con menos de 8.200 euros ao ano.

Empeora a situación das familias monoparentais: a pobreza en fogares cun adulto e nenas/os dependentes medra 4,7 puntos porcentuais (do 37,5% o ano pasado ao 42,2% este ano).

A pobreza das persoas desempregadas aumenta case catro puntos no conxunto do estado: do 44,8% en 2015 ao 48,5% no 2016.

A pobreza das persoas estranxeiras comunitarias aumenta 7 puntos: do 33,3% en 2015 ao 40,3% en 2016. Respecto das persoas estranxeiras non comunitarias, máis da metade (52,1%) vive por debaixo do umbral de pobreza.

Máis información:

Buscador datos INE por Comunidades Autónomas

Nota de prensa INE. Encuesta Condiciones de Vida 2016

Entrevista a Xosé Cuns, director de EAPN-Galicia, no programa Convivir en Igualdade de Radio Galega (A partir do minuto 6)

Nota de prensa EAPN-España

Artigo e entrevista a a Carlos Susías, presidente de EAPN-España, na Cadena Ser

Artigo de El País

Artigo de El Correo Gallego

Similar articles

Fai un comentario

O seu email non será publicado. Os campos marcados son obrigatorios *

CAPTCHA Image

(obrigatorio)

CONTACTO

Basquiños, 33
Santiago de Compostela,
15704 A Coruña
Teléfono: 881 95 72 84

Newsletter

Translation


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das devanditas cookies e a aceptación da nosa política de cookiespique no enlace para maior información.

ACEPTAR